Modelja amerikane, Chrissy Teigen ka bërë shaka me bashkëshortin e saj John Legend në Twitter, duke postuar një meme sipas të cilës ai ngjante me personazhin vizatimor të viteve ’90, Arthur.
31-vjeçarja postoi një imazh të zmadhuar të asaj që duket si grushti i shtrënguar i Arthur kur është i nevrikosur me mbishkrimin: “Si reagon John kur i thua se ngjan si Arthur”.
Nuk vonoi edhe përgjigja e Legend, i cili menjëherë postoi në rrjetin social të Twitter: “Nuk kisha dëgjuar ndonjëherë për këtë personazhin Arthur deri tani.” A ekzistonte ai kur unë isha ende fëmijë”?
Ylli i shumë hiteve jo vetëm tregoi që mund ta mbante shakanë, por edhe ngacmoi me faktin se ishte disa vite më i madh se bashkëshortja e tij. Interneti u shkri së qeshuri me Teigen, duke vazhduar talljen ndaj Legend, por në një farë mënyre iu hodh kundër me komentet, që shprehnin se nuk duhej të ishte kaq e pamëshirshme me të.
