Lori Hoxha është padyshim një ndër femrat më të ndjekura në Instagram, fotot e së cilës tërheqin gjithmonë vëmendjen e fansave.
Vazhdimisht ajo tregon jetën e saj luksoze, veshjet e firmave më të njohura, makinat e ndryshme e pushimet e shumta në çdo cep të botës.
Mirëpo, e dinit se Lori përdor pak, vetëm pak photoshop në fotot e saj?
Këtë e ka pranuar ajo vetë teksa i përgjigjej pyetjeve kurioze të ndjekësve të saj.
Dikush e pyet për belin shumë të komentuar këto ditë në rrjete sociale, ndërsa Lori ka treguar troç se përdor pak modifikim.
“Çfarë bën për belin e hollë?”- e pyet një ndjekës, të cilit trashëgimtarja e “Top Channel” i është përgjigjur:
“Unë jam e vogël në përgjithësi dhe beli im ka qenë gjithmonë i vogël. Po, brinjët e mia janë të gjitha aty. Po, beli im duket më i vogël kur ulem, për shkak të kofshëve të mbushura. Po, unë i rregulloj pak fotot e mia. Më lini të jetoj”- shkruan Lori me humor.
Epo tani që e pranoi Lori, presim edhe vajza të tjera të showbiz-it të dalin hapur e të pranojnë të njëjtën gjë!
