Babai i Dua Lipas zbulon surprizat e koncertit (VIDEO)

A e dini se organizatori i dy koncerteve të këngëtares Dua Lipa në Prishtinë dhe në Tiranës është vetë babai i saj?

Dukagjin Lipa ka treguar për suprizat e mbrëmjes, në një intervistë ekskluzive për “Prive”, ku ka rrëfyer për gjithҫka që do të kenë koncertet e këngëtares shqiptare.

Përveҫ të tjerave, ai zbuloi se Dua do të përdorë programin e Glastonbury Festival, që përfshin performancën për rreth një orë të këngëtares, e cila do të këndojë të gjithë repertorin e saj muzikor.

Deri tani, sipas babait të Duas, interesimi për këtë koncert ka qenë mjaft i madh, aq sa i ka kaluar pritshmëritë. Ai shtoi madje se biletat e shituara, do të jenë 10 mijë.

Në rrugëtimin e saj për t’u bërë një yll ndërkombëtar, Dua Lipa ka performuar mbrëmë në emisionin “Tonight Show” të prezantuesit të famshëm, Jimmy Fallon.

Para paraqitjes së saj, këngëtarja shqiptare mori lëvdata nga moderatori, i cili e ftoi pastaj në skenë. Ajo interpretoi hitin “Hotter Than Hell” dhe performancën e saj mund ta shihni në videon e mëposhtme.