Equus
31 mars, ora 19:00
Teatër
“Teatri Kombëtar” sjell në skenë produksionin e tij më te ri, dramën “Equus”, kryeveprën e autorit të madh anglez Peter Shaffer,nga regjisori i mirënjohur boshnjak Dino Mustafic.
Interpretojnë: Timo Flloko, Igli Zarka, Ema Andrea, Arben Derhemi, Krist Lleshi, Luli Bitri, Lulzim Zeqja, Erjona Kakeli, Ermir Jonka. Balerine: Robert Muha, Fjorald Doci, Akreoma Saliu Skenograf: Broz Dragutin Kostumograf: Berina Kokona Koreograf: Gjergj Prevazi Ass/Regjisor: Melisa Becovic Muzika: Endri Sina Perkthyes: Artur Lena
Rezervimet ne nr. 042223022
27 mars
Maria dhe Lina
Teatër
Maria dhe Lina, dy motra binjake, ose dy vajza identike dhe Marilina, flasin për nënën e tyre. Për gjithçka që ato dëshironin t’ia thonin nënës së tyre. Mami, përse nuk më do? Çfarë kam unë që ty nuk të pëlqen? Përse për sytë e tu nuk jam kurrë e bukur? Dhe përse për sytë e mi jeta nuk është kurrë e bukur? Ato dëshirojnë “t’i thonë”, “gjithçka” asaj.
Të çlirohen. Që mbi të, të mos rëndojë më ai shikim, dhe pesha e tij e rëndë e përzierë me të kaluarën, dhimbjen, braktisjen, kritikën, mizorinë, që i qorton se përse ekzistojnë.
Teksti: Emanuelle delle Piane
Regjia: Prof.ass. Dr. Ardiana Hyso (Kastrati) dhe Giovanna Marotta
Aktore: AnilaToqi dhe Aurela Voci
Organizuar nga “Fakulteti i Gjuhëve të Huaja”, “Departamenti i Frëngjishtes”, “Universiteti i Tiranës” dhe “Ambasada e Zvicrës” në Tiranë në bashkëpunim me “Teatrin Eksperimental “Kujtim Spahivogli”
Arduino Day
Evente
1 prill, ora 14:00-20:00
Qendra Rinore, Rruga e Kavajës
Arduino Day është një ditë ndërkombëtare që i dedikohet “Arduino”-s. Gjatë gjithë 24 orëve përreth globit do të ketë plot evente, secila prej tyre zyrtare dhe e pavarur e njerëz të interesuar për “Arduino”-n do të mund të takohen, të ndajnë interesat e tyre dhe të mësojnë më shumë duke ndërvepruar me njëri-tjetrin.
Pjesëmarrja është e lirë per të gjithë grupet e përdoruesve të Arduino, duke filluar që nga fillestarët që sapo kanë dëgjuar për platformën dhe deri tek profesionistët për të marrë pjesë.
Edhe ju mund të përfshiheni gjatë “Arduino Day”. Nuk ka rëndësi në qoftë se ju jeni një ekspert ose një fillestar, një inxhinier, dizajner apo çfarëdo fushe tjetër mbuloni. Arduino është shumë i thjeshtë për këdo dhe Arduino Day është e hapur për të gjithë ata që duan të festojnë me Arduino për krijimet që janë bërë ose mund bëhen me të!
