Pas vdekjes tragjike të këngëtarit Flori, i njohur si DR. Flori, dy fëmijët e tij, vajza Kaltrina dhe djali Danieli, kanë mbështetjen e plotë të mikut më të ngushtë të babait, Landit.
Landi tashmë është si një “baba” dhe shoku më i mirë njëkohësisht, duke u dhuruar po aq dashuri sa u dhuron nëna e tyre Blerina, apo mund t’i dhuronte Flori. Vetëm pak muaj më parë Landi surprizoi Kaltrinën me rastin e ditëlindjes së saj duke i shkuar te shkolla.
Ai i mëson Kaltrinës basketbollin, një ndër sportet e tij të preferuara dhe jo vetëm. Landi e shoqëron atë dhe Danielin me makinë, i mëson Kaltrinës notin, por edhe bëjnë foto epike të cilat ish-anëtari i West Side Family i ndan me fansat. Këto janë disa nga momentet më të bukura të Landit me fëmijët e Dr Florit, krah të cilave ai gjithmonë shkruan ‘Jo për lavdinë time’…
