Amanda Seyfried dhe Thomas Sadoski janë martuar në fshehtësi të plotë dhe askush nuk ka dyshuar asgjë. Ata kishin shpallur fejesën dhe që prisnin fëmijën e tyre të parë bashkë, vjeshtën e kaluar. I ftuar në Late Late Show me James Corden, Thomas tregoi që fundjavën e kaluar ai dhe Amanda ishin martuar.
“Urime, Thomas sepse Amanda është… bashkëshortja jote tashmë”, nisi James, para se të ndalonte për të treguar unazën në dorën e majtë të Thomas. “E pashë tani, sepse do kisha thënë e fejuara…kur jeni martuar?” Përgjigjja nuk mungoi. “Të dielën”, u përgjigj Thomas. “Ne u martuam zyrtarisht. Shkuam në Bashki, me një zyrtar dhe, vetëm ne, e mbaruam gjënë tonë”.
Duket se lajmërimi ishte planifikuar, duke qenë që pak orë më parë sesa Thomas të shfaqej në program, Amanda postoi një foto të tij duke përgatitur audiencën. “Ky burrë i këndshëm do të jetë në @latelateshoë sonte për të folur për gjëra të këndshme!”
Ndërkaq edhe Thomas i shprehu ndjenjat e tij publikisht.
“Ajo është personi që dua, admiroj dhe respektoj më shumë në botë dhe e di që ju jeni miq të ngushtë dhe e di që ajo do donte që ta dinit. Ishte bukur, ishte ajo që duhej të ishte, ishim vetëm ne të dy që i folëm njëri-tjetrit…Ti merr qenin, shkon në Bashki dhe kthehesh në shtëpi…me gruan tënde!”
