Një aksident i rëndë rrugor ka ndodhur në Rrugën e Kombit, në segmentin Rrëshen–Milot, duke shkaktuar humbje jete dhe disa të plagosur. Sipas informacioneve paraprake, automjeti me drejtues shtetasin N. P., 61 vjeç, është përplasur me një tjetër automjet që drejtohej nga shtetasi D. P., 30 vjeç. Përplasja ka qenë e fortë, duke rezultuar fatale për dy persona. Si pasojë e aksidentit ka ndërruar jetë drejtuesi i njërit prej automjeteve, shtetasi N. P., si dhe shtetasi F. P., rreth 57 vjeç, i cili ishte babai i drejtuesit tjetër të automjetit.
Në vendngjarje ka mbërritur grupi hetimor, i cili, nën drejtimin e Prokurorisë, po vijon punën për zbardhjen e plotë të shkaqeve të aksidentit dhe dokumentimin ligjor të rastit.
NJOFTIMI:
Rrëshen/Informacion paraprak Në Rrugën e Kombit, në segmentin Rrëshen–Milot, automjeti me drejtues shtetasin N. P., 61 vjeç, është përplasur me automjetin me drejtues shtetasin D. P., 30 vjeç. Si pasojë e aksidentit kanë ndërruar jetë drejtuesi i njërit prej automjeteve shtetasi N. P., si dhe shtetasi F. P., rreth 57 vjeç (babai i shtetasit D. P.) Gjithashtu, janë dëmtuar drejtuesi i automjetit tjetër, shtetasi D. P., si dhe 4 pasagjerë, të cilët janë transportuar në Spitalin e Traumës, në Tiranë, për ndihmë mjekësore. Grupi hetimor, nën drejtimin e Prokurorisë, vijon punën për përcaktimin e shkakut të aksidentit dhe dokumentimin ligjor të rastit.
