Këngëtarja Soni Malaj ka thyer heshtjen dhe ka folur për herë të parë për divorcin nga bashkëshorti Mirko, me të cilin u martua në vitin 2015.
E ftuar në emisionin “Express Rozë”, ka folur rreth jetës dhe karrierës së saj. Ndër të tjera, Soni ka treguar se përse është ndarë nga ish bashkëshorti i saj italian.
“Nuk e di pse jam ndarë, vërtetë nuk e di. Ndarja nuk erdhi nga unë”, duke rrëfyer kështu qartë që në të vërtetë ishte Mirko ai që i kishte dhënë fund martesës.
Me sa duket, italiani, që u bë i njohur edhe në Shqipëri si balerin, nuk i ka dhënë shumë shpjegime për arsyet e tij Sonit, të cilës i është dashur të pranojë faktin se gjithçka kishte marrë fund.
