Anxhelina Hadërgjonaj është revoltuar me artikullin e një medie në lidhje me pamjen e saj fizike, e cila ka bërë një artikull me titulli: “Anxhelina ju tmerron pagrim”.
Ditën e sotme nëpër portale të ndryshme qarkullonte një lajm i cili në qendër kishte fytyrën e Anxhelina Hadërgjonajt pa make up.
“Si fillim do kisha shumë deshirë të dija kush është “zotëria” ose “zonja” që e ka qendisur artikullin. Së dyti përgëzoj mediat e tjera që e kanë marrë lajmin gati dhe kanë ndryshuar titullin duke paralajmëruar lexuesit për pamjet makabër, Bravo, na kënaqët! Nuk jam prononcuar asnjëherë për idiotlliqet që shkruhen përditë në lidhje me mua sepse nuk më ndikojnë as për mirë dhe as për keq. Por kur shkruhet “kujdes se do fiksoheni” është shqetësuese, jo sepse më intereson opinioni i injorantit ose injorantes që ka shkruar artikullin, por kjo çështje kalon ne bullying. Ka shumë të rinj dhe të reja që kanë probleme me acne dhe ndonjëherë mund të jetë shkaku i pasigurisë më të madhe që kanë në vetvete. Pastaj kemi tipat si gazetari në fjalë që i bëjnë të ndihen më të pasigurt në vete me shprehjet që përdor kur i referohet dikujt me lëkurë problematike, dhe rasti konkret jam unë. KUJDES duhet të kemi nga injorantët si puna juaj, kushdo qofsh gazetar i nderuar, se puçrrat unë sot i kam, nesër s’i kam, po vaj medet mendjes s’ke ç’i bën. Dhe diçka te fundit! Nuk është trembur ndonjëri deri më sot, edhe më beso dal përditë pa makeup”. Këngëtarja sqaroi kështu çdo paqartësi që lidhej deri tani me fytyrën e saj, për të cilën nuk është aspak problem.
