Këngëtarja Eneda Tarifa është indinjuar me shërbimin e urgjencës në Tiranë. Përmes një statusi në rrjetet sociale ajo shprehet shumë e indinjuar:
“Ky është kulmi!”, – e nis Eneda statusin. “O njerëz, si ka mundësi të marrësh urgjencën tri herë dhe ata të mos e vënë ujin në zjarr?! Nuk ma rrok truri, një qytet me gati 1 milion banorë të mos vërë në gatishmëri (në fundjavë të paktën) më shumë se 2 apo 3 ambulanca? Këtu nuk pi ujë as emri, as njohja asgjë. Është thjesht një dështim! Këtu njeriut i bie epilepsia dhe ambulanca vjen pas 40 minutash! SOS!”
“Ca i vrasin, ca i lënë të vdesin”, e ka mbyllur shkrimin e saj këngëtarja duke u shprehur e zhgënjyer e njëkohësisht edhe e acaruar.
