Takimi i reperit Kanye West me presidentin e zgjedhur, Donald Trump i çuditi të gjithë, veçanërisht pas deklaratës së tyre të përbashkët që thanë se “janë miq për një kohë të gjatë”.
Por duke qenë se bashkëshortja e Kanye, Kim ka qenë një mbështetëse e fortë e Hillary Clinton gjatë fushatës, të gjithë pyesin: Si e priti Kim takimin Trump-Kanye?
Mediat raportojnë se Kim nuk u çudit për takimin me Donald Trump:
“Kim e dinte se Kanye po shkonte në këtë takim. Ajo nuk është befasuar nga kjo”, tha një burim për revistën Us Weekly. “Kim e dinte se Kanye e mbështeste Trump para kësaj. Kim dhe Kanye patjetër që ndryshojnë në opinionet e- tyre dhe padyshim ajo votoi për Hillary-n”.
Burimi vazhdoi të shpjegojë arsyen e Kanye-s për të vizituar Trump: “Ai e shikon Trump si një njeri të famshëm i cili është në gjendje të ndikojë zyrat më të mëdha në botë, jo si politikan. Kanye beson se të famshmit mund të jenë më të fuqishëm se politikanët tanë”.
