24 orët e fundit në Aleppo ishin më të tmerrshmet për qytetin. Një përfaqësues i OKB-së tha se bombardimet në pjesët e fundit të Aleppos që mbaheshin nga rebelët, përbëjnë ndoshta një krim lufte.
Një marrëveshje për evakuimin e luftëtarëve rebelë dhe civilëve nga Aleppo-ja lindore, nuk funksionoi dje, kjo pas raportimeve për bombardime të rënda.
Aktivistët sirianë thonë se sulmet ajrore rifilluan në territorin e kontrolluar nga rebelët, ku të paktën 50 mijë civilë mbeten të bllokuar.
Për të ndihmuar në fundin e gjakderdhjes të shkaktuar nga kriza në Siri, ju mund të:
1.Bashkoheni demonstratave në vendin ku ndodheni
Përdor hashtag-un #StandWithAleppo për të gjetur demonstrimet në zonën tuaj dhe nëse nuk ka një të tillë, organizo një të tillë.
2.Dhuroni si një përpjekje për të ndihmuar
Qeveria siriane ka bllokuar dërgesat e ndihmave të OKB-së për të hyrë në Aleppo që kur rrethimi u ngrit në korrik. Një listë të OJQ-ve të besueshme vendore dhe ndërkombëtare, që po punojnë në terrenin e Siri-së mund të gjenden këtu.
3.Nëse ke një aftësi specifike, jep vullnetar kohën tënde
Mjekët profesionistë kanë ndihmuar për të shpëtuar jetën e shumë njerëzve, duke ndihmuar mjekët dhe infermierët në Aleppo, duke i dhënë këshilla përmes “Skype”-it. Vihu në kontakt me bazë e SHBA-ve, SAMS, një organizatë bamirëse mjekësore që vepron në të gjithë Sirinë, për mënyrën se si të përfshiheni.
Mund të ofroni edhe ndihmë nëse flisni gjuhën arabe për të përkthyer.
4.Nënshkruaj peticionin
Kërko evakuimin e sigurt të njerëzve nga Aleppo. Jeta e dhjetëra mijëra njerëz janë në duart e qeverive siriane, ruse dhe iraniane. Merrni dy minuta kohë për t’u kërkuar këtyre qeveri të evakuojnë njerëzit e bllokuar në mënyrë të sigurt. Kliko këtu për të plotësuar peticionin.
Burimi: Independent
