Nëna e Louis Tomlinson, ish-yllit të “One Direction”, Johannah Deakin humbi jetën në moshën 43-vjeçare, pas betejës kundër leucemisë.
Deakin u diagnostikua më parë gjatë këtij viti me një formë shumë agresive të leucemisë, e cila kërkonte trajtim mjekësor të menjëhershëm dhe të vazhdueshëm, por në fund nuk ia doli mbanë të mbijetonte.
Një deklaratë e familjes konfirmoi se 43-vjeçarja ndërroi jetë orët e para të ditës së mërkurë. Përveç Louis Tomlinson ajo lë pas edhe 6 fëmijë të tjerë, 18-vjeçaren Lottie, 16-vjeçaren Felicity, 12-vjeçaret binjake Daisy dhe Phoebe dhe 2-vjeçarët binjakë Ernest dhe Doris. Johannah ishte gjithashtu gjyshe e djalit 10-muajsh të Louis, Freddie.
I menjëhershëm ishte ngushëllimi i Cheryl, të dashurës së Liam Payne dhe nënës së ardhshme, e cila iu drejtua “më dhemb zemra për ty”.
Burimi: Daily Mail
