Pavarësisht se në fillim të mbrëmjes së “Këngës Magjike”, Elia Zaharia u shpreh se në natën finale do të mbështetej në skenë nga familja e saj, skenari kishte rezervuar një surprizë për publikun.
Ndërsa ftoi në skenë vëllanë e saj aktorin Amos Zaharia, për të kënduar bashkë këngën “Moj e bukura Arbëri”, por surpriza nuk ishte ai, por nëna e tyre, aktorja e mirënjohur Yllka Mujo.
“Që të vegjël nuk jemi ndarë asnjëherë, ka qenë miku im më i mirë. Dhe sot e ftova të jetë pranë meje, në këtë skenë”, tha Elia përpara se të ftonte Amosin në skenë.
Mujo performoi në Pallatin e Kongreseve për herë të parë pas shumë viteve. Publiku e shijoi dhe duartrokiti shumë performancën e tyre dhe u ngrit në këmbë në shenjë vlerësimi.
“Ne vërtet kemi një princeshë”, tha Ardit Gjebrea duke iu referuar Elia Zaharias, “por kemi një mbretëreshë në skenë”.
Aktorja u pyet se si e shikoi eksperiencën e parë të vajzës së saj Elia si moderatorë, ndërsa shprehu emocionet për këtë eksperiencë.
Kjo ishte hera e parë që të tre artistët ngjiten në skenë për të performuar bashkë dhe ne shpresojmë që mos të jetë e fundit.
Burimi: Iconstyle
