Leonardo DiCaprio po ndjek gjurmët e George Clooney, pasi vizitoi në Edinburg të Skocisë një restorant, që ndihmon të pastrehët. Por ndryshe nga Clooney ai u ul për të ngrënë të këtë restorant.
Fituesi i çmimit Oscar, një nga meshkujt më të pashëm të Hollivudit, ndaloi për të ngrënë tek restoranti “Home”, ku shërbehen gatime të kuzhinës skoceze e franceze. Shumicën e fitimeve që nxjerr, pronari i tij i shpenzon me projekte në mbështetje të të pastrehëve.
Restoranti u krijua nga personat që fshihen pas dyqanit “Social Bite”, që George vizitoi vitin e kaluar si një përpjekje për të nxitur rritjen e ndërgjegjësimit mbi personat e pastrehë në Skoci.
Një numër i madh adhuruesish të aktorit sfiduan të ftohtin e hidhur vetëm që të kishin mundësinë që ta shihnin nga afër idhullin e tyre. Një vajzë madje i ka kërkuar të firmosë tatuazhin me fytyrën e Di Caprios që kishte në krah. “Shkova dhe iu luta të firmoste tatuazhin tim. Ai kur e pa tha se ishte fantastik dhe unë e falënderova”, tregoi vajza.
Një çift kishte pritur me orë të tëra për mundësinë e një takimi të shkurtër me aktorin. “Ai u tregua kaq i dashur”, tregojnë ata, “erdhi drejt e tek ne, ishim të parët që takoi, ishte shumë e veçantë”. Restoranti ku ndaloi DiCaprio fton çdo të hënë të pastrehë që të ulen e të hanë atje me dinjitet e u ofron edhe mundësi punësimi. Fakti që aktori 42-vjeçar zgjodhi të qëndronte atje duke tërhequr kështu vëmendjen tek iniciativa e pronarëve, është përshëndetur gjerësisht.
Në përgatitjen e ushqimit të tij ndihmuan katër pjesëtarë stafi, të cilët dikur kanë qenë dhe vetë të pastrehë.
Leonardo Dicaprio in Edinburgh today ? pic.twitter.com/1kWGWrrCeM
— Rachel (@RachelEvaa) November 17, 2016
Burimi: Metro
