Ata shpallën martesën më 27 korrik të 2017-s. Ndërsa tashmë Turjan Hyska dhe Orinda Huta na kanë mësuar disa nga detajet e eventit. Orinda po merret me përzgjedhjen e këngëtarëve, që do të këndojnë në dasmën e tyre, të cilët thuhet se do të jenë këngëtarë të muzikës popullore të të gjitha trevave dhe jo vetëm.
Por ata që e presin me më shumë emocion janë prindërit. Elida Hyska është nëna e Turjanit, vjehrra e Orindës. Emocionet kanë filluar të ndihen për të dhe në fakt ajo nuk ka nguruar, që gjithmonë të shprehë lumturinë e saj për çiftin, që në ditët e tyre të para bashkë.
Ditën e sotme na bëri përshtypje një postim i znj. Elida, që në faqen e saj në “Facebook”, shpërndau një foto të Orindës, e cila lajmëronte pjesëmarrjen e saj dy vite më parë në festivalin e Këngës Magjike. Në postimin e saj ajo shkruan: “Vajza që më mungonte për të shijuar një vajzë…”.
Menjëherë Orinda komenton në këtë postim duke shkruar: “Të kam xhan, ti e di”.
