Ata janë një nga çiftet më të bukur dhe të dashur të “Hollywood”-it. Ryan Reynolds dhe Blake Lively janë dyshja perfekte, dy aktorë të bukur, të talentuar dhe me shumë dashuri për njëri-tjetrin.
Pas 4 vitesh martesë dhe dy fëmijësh bashkë, aktori Reynolds ka folur për herë të parë për momentin e lavdishëm që kuptoi se Blake ishte “e duhura”. Në një intervistë për GQ, 40-vjeçari tha se “e dinte që do të ndodhte”, kur dolën në takim e parë. Por si?
“Me siguri pas seksit”, bëri shaka ai. “Jo, ne kishim dalë në një restorant të vogël në Tribeca që qëndron hapur deri vonë dhe një këngë e bukur ishtenë sfond. Atëherë unë i thashë, “Do të kërcejmë?”. Vendi ishte bosh dhe ishte një nga ato momentet kur gjatë kërcimit kupton “Oh, më duket se kalova cakun”. Pastaj e shoqërova në shtëpi. Nuk besoj se duhet të shpjegoj çfarë ndodhi më pas”.
Por kur erdhi puna tek kënga që kërcyen, Reynolds preferoi të mos flasë, duke mbajtur për vete disa detaje të rëndësishme të jetës së tyre personale. Ata njihen si çifti që kërkon të mbetet jashtë vëmendjes së publikut.
Burimi: TIME
