Pas zgjedhjes së Donald Trump si President të Shteteve të Bashkuara, shqetësimi nuk nisi vetëm në radhën e qytetarëve të vendit, por edhe tek shumë shqiptarë.
Kjo pasi ai dënoi ashpër publikisht emigrantët që hyjnë në SHBA, sidomos ata që kalojnë kufirin meksikan.
Dhe shqetësimi më i madh i shtetasve shqiptarë është për pyetjen se çfarë do të ndodhë tani me Lotarinë Amerikane. Fitorja e Trump ngjalli frikë dhe dyshime nëse aplikimet e tyre do të jenë më të vlefshme, nëse do të munden të hyjnë më përmes kësaj rruge në SHBA.
Një qytetar pyeti në faqen zyrtare të Ambasadës Amerikane në “Facebook”, nëse pas zgjedhjes së Trump si President fituesit e Lotarisë do të lejohet të shkojnë në Amerikë.
“Përshëndetje! Kisha një pyetje. Tani që Donald Trump është president, a do të pranohen emigrantët shqiptarë për të jetuar në Amerikë, flas për ata që tashmë kanë aplikuar në lotari dhe mund të rezultojnë fitues?”, pyet një qytetar.
Përgjigjja e ambasadës është: “Sigurisht që do të pranohen”.
