Angelina Jolie do të vazhdojë të ketë kujdestarinë e plotë të gjashtë fëmijët të saj me Brad Pitt, pas një marrëveshje të arritur nga aktorët.
Marrëveshja e arritut të hënën thotë se gjashtë fëmijët e ish-çiftit, të cilët janë nga 8-15 vjeç, do të vazhdojnë të kenë “vizita terapeutike” me Pitt.
Jolie paraqiti kërkesën për divorc në shtator, një ditë pasi Pitt ishte përfshirë në një debat gjatë një fluturimi privat me familjen e tij. Ajo përmendi dallimet e papajtueshme si arsye të divorcit, ndërsa një avokat tha në atë kohë se kërkesa e divorcit ishte “për shëndetin e familjes”.
Deklarata e së hënës, pohon se marrëveshja ishte arritur mbi një javë më parë me ndihmën e konsultimeve me profesionistë të kujdesit për fëmijët. Në të nuk përfshihen detaje të tjera dhe nuk përmendet një hetimi nga ana e punonjësve të mbrojtjes së fëmijës për incidentin ajror.
Pitt dhe Jolie arritën një marrëveshje të përkohshme të kujdestarisë në fund të shtatorit.
“Në përputhje me këtë marrëveshje gjashtë fëmijët do të qëndrojnë në kujdestarinë e nënës së tyre dhe fëmijët do të vazhdojnë vizitat terapeutike me babanë. Kjo është përcaktuar nga profesionistët e kujdesit për fëmijë, gjë që është në interesin e tyre. Nuk jemi në një pozicion për të diskutuar detajet. Shpresojmë se tani është e qartë se ngjarjet që çuan në paraqitjen e divorcit përfshinë fëmijët e mitur dhe mirëqenien e tyre, të kemi kuptimin e ndjeshmërisë së situatës familjare. Besojmë se të gjitha palët janë të angazhuar për shërimin e familjes”, thuhet në deklaratën e së hënës.
Burimi: Daily Mail
