Të gjithë na ndodh të arrijmë me vonesë në një event! Por pasojat nuk janë të njëjta si për ty dhe për Beyonce-n!
Këngëtarja mbërriti me vonesë, ndaj fustanin e tapetit të kuq nuk e pa askush në tapet të kuq. Megjithatë, Beyonce shkrepi disa foto sa për t’u treguar të gjithëve se mund të jetë e veshura më mirë e tapetit të kuq të çmimeve CMA, edhe pa shkelur fare atje.
Në ceremoninë e ndarjes së Çmimeve të Muzikës Country, “mbretëresha” e muzikës pop shkëlqeu me një fustan të krijuar nga Zuhair Murad. Fustani ngjyrë pastel në formë sirene ishte i tëri i zbukuruar me lule. Detaji ishte volumi në pjesën e supeve, i cili neutralizohej nga look-u klasik me flokë të drejtë dhe grim në ngjyrat e tokës.
Më tej, Beyonce interpretoi drejtpërdrejtë këngën “Daddy Lessons”, të albumit të saj “Lemonade”, me Dixie Chicks, veshur me një fustan pothuajse të tejdukshëm, me supe të stilit viktorian.
Të dy këngëtarët entuziazmuan audiencën, pasi ishte një nga momentet më të përfolura të mbrëmjes. Pavarësisht se Beyonce nuk është një artiste “country”, fansat duket se e dashuruan, ndërsa e përgëzonin në rrjetet sociale.
Burimi: Elle/ Cosmopolitan
