Një status në “Facebook” i këngëtares Marsela Çibukaj është bërë shkas për një “përplasje” me kolegen e saj Samanta Karavella.
Marsela ironizoi ato këngëtare që mundohen të këndojnë “reggae” si Rihanna dhe që në videoklipet e tyre nxjerrin dekoltenë apo buzët e “punuara me mjeshtëri nga xhaxhi i plastikës”. Por ky status nuk i ka pëlqyer Samantës e cila së fundmi ka publikuar një këngë të asaj rryme muzikore dhe i është kundërpërgjigjur me një mesazh në “Instagram”.
Ajo thotë se vokali i saj është vlerësuar nga mjeshtër të muzikës shqiptare, ndërsa i uron Marselës të ketë suksesin që meriton pa cenuar të sajin:
“Do kisha shumë dëshirë të kishe dhe ti suksesin që meriton pa cenuar timin. Nëse mendon se e bën më mirë tregoje”. Më poshtë statuset e dy këngëtareve shqiptare:
