Kanye West mori 2 milionë dollarë kredi vetëm disa muaj përpara se bashkëshortes së tij, Kim Kardashian, iu grabitën në Paris bizhuteri me vlerë 5.6 milionë dollarë.
Reperi 39-vjeçar kishte marrë kredinë për apartamentin e tij në Nju-Jork, e cila i ishte miratuar më 12 korrik.
Marrëveshja thotë se Kanye-t do t’i jepet një shumë jo më e madhe se 2 milionë dollarë, të cilën ai duhet ta paguaj deri në 2036-n.
Kanye bleu një apartament në Nju-Jork në lagjen SoHo për 1.25 milionë dollarë dhe e bashkoi atë me hyrjen ngjitur.
Sipas raportimeve, ai e listoi shtëpinë e tij në mënyrë të fshehtë për 4.5 milionë dollarë në 2013-n.
Muajin e kaluar, Kanye i bleu Kim një unazë me diamant 20-karatësh nga Lorraine Schwartz me një vlerë prej 4 milionë dollarë, e cila u grabit nga pesë të maskuarit.
Kim ka ngritur një padi ndaj postimeve të MediaTakeOut.com, pasi kjo e fundit ka shkruar se 35-vjeçarja “e organizoi” grabitjen.
Dokumentet e sigurimit deklarojnë se 13 gjërat që iu grabitën gjatë incidentit kanë një vlerë rreth 5.6 milionë dollarë.
Ajo raportohet se ka thënë: “Gjërat materiale nuk kanë asnjë vlerë. Nuk është gjithçka rreth parave”.
Burimi: Daily Mail
