Të gjithë u mahnitëm nga numri i madh i të ftuarve në dasmën luksoze të Princit Leka me Elia Zaharin, sa nisën që të habiteshin nga njohjet e shumta që kishin krijuar në kaq vite. Por në fakt jo të gjithë e njihnin çiftin dhe për më tepër disa nuk njihnin as Shqipërinë!
Gazetarja e njohur si Paloma, bëri një intervistë për “Fiks Fare” me disa prej të ftuarve, lidhur me monarkinë shqiptare.
Një prej të ftuarve më të rëndësishëm, princi Michael i Kentit, kushëri i mbretëreshës Elizabetë, e shmangu pyetjen duke thënë: “Po t’i kthehemi historisë, mamaja e gruas sime, e cila ishte hungareze, ishte kushërirë e mbretit Zog. Ajo mund t’ju thotë më shumë se çfarë mund t’ju them unë”.
Të tjerë shprehën hapur çudi dhe pranuan se nuk e njohin princin Leka, apo të dinë diçka për monarkinë shqiptare.
I pyetur çfarë mendimi kishte për princin e Shqipërisë, si një republikë parlamentare, pasardhësi i një prej familjeve më të vjetra belge u shpreh: “Është e çuditshme, por këtu në Ballkan gjithçka është e çuditshme”.
Princesha Gloria e Thurn dhe Taxis në Gjermani, e çoi më tej duke thënë se nuk e njeh fare princin, por erdhën vetëm përmes ftesës. “Emri im është Gloria. Unë vij nga Gjermania dhe nëna ime është hungareze. Çiftin nuk e njoh akoma. Erdha menjëherë. Princi më ftoi dhe u nisa. Për Shqipërinë kam lexuar në “Ëikipedia”, por ju e dini që mund të gënjejë”. Më tej ajo e komentoi kështu princin në një vend që nuk është monarki: “Një kurorë, mund ta vendos edhe unë vetë, menjëherë!”.
Çifti Leka ruajnë marrëdhënie të mira me disa prej familjeve mbretërore të huaja, siç janë edhe Dukesha dhe Duka i Barganzës, në Portugali, mik i vjetër edhe i babait të princit, Leka Zogu I: “E njoh historinë e monarkisë shqiptare dhe jam mik i mirë i Princit Leka dhe i babait të tij, prej vitesh”. Ndërsa Dukesha u shpreh se: “Familjet mbretërore janë një marketing falas për vendin”.
Ndërsa një tjetër e ftuar deklaroi: “Ne vijmë nga Spanja. Nuk mund të flas për monarki në Shqipëri, por mund të them që është një vend shumë i bukur, dhe ne jemi të befasuar nga zhvillimi i vendit. Edhe njerëzit janë shumë miqësorë”.
