Vetëm pak orë na ndajnë nga ceremonia madhështore e dasmës së Princ Leka i II-të dhe Elia Zaharia, të cilët do të kurorëzohen në të njëjtin pallat si Mbreti Zog dhe Mbretëresha Geraldinë dhe që sot emërtohet Pallati i Brigadave.
Në ceremoni do të jenë të pranishëm rreth 800 të ftuar dhe Elia Zaharia, e veshur nuse, do të shoqërohet nga Princ Leka II dhe do të qëndrojë në krah të majtë të tij, siç ka qëndruar Geraldina para 87 vitesh, gjatë martesës me Mbretin Zogu I, para 200 të ftuarve, shkruan Class.
Edhe pse kanë kaluar 78 vjet që nga viti 1938, çifti do të ndjekë të njëjtat hapa që Mbreti Zog dhe Geraldina ndoqën, duke lënë pas disa nga traditat që ndiqen prej kohësh në Shqipëri, siç është shoqërimi i nuses nga babai drejt altarit.
Çifti do të shkojë bashkë drejt tavolinës ku do të zhvillohet akti zyrtar i celebrimit, aty ku do t’i presë kryetari i Bashkisë së Tiranës, Erion Veliaj, i cili do të kurorëzojë dashurinë mes tyre.
