Ajo ka qenë në qendër të vëmendjes së revistave më prestigjioze, si Elle apo Harper’s Bazaar në Spanjës, të cilat e kanë cilësuar si një prej femrave të veshur më bukur në Javën e Modës në Paris.
Por së fundmi, revista British GQ ka postuar një foto të Armina Mevlanit nga Java e Modës në Paris dhe shkruan: “ Gruaja më seksi nga qyteti më elegant në botë, Parisi.”
Në foton që është postuar nga British GQ dhe nga revista të tjera Armina ka qenë e veshur komplet me të zeza, një body dhe tutu-ja që sipas blogeres ja ka dhuruar nëna e saj për ditëlindje. Duket se “tutu-ja” ka qenë fatsjellëse për blogeren e cila po renditet në faqet e shumë revistave.
Që prej fillimit të Javës të Modës, Armina është renditur përkrah emrave të njohur në revistat më prestigjioze dhe është përgëzuar për paraqitjen e saj në Milano dhe në Paris.
