Prej vitesh Adelina Ismailin nuk e kemi parë në skenën muzikore shqiptare.
Këngëtarja jeton tashmë prej kohësh në Zvicër me bashkëshortin e saj Val Krasniqi, ndërsa të dy duket se kanë vendosur të zgjerojnë familjen.
Largimi i Adelinës nga muzika duke se ka një përgjigje dhe ajo është më e mira që mund të merrnim.
Mësohet se dashuria mes Adelinës dhe Valit po bekohet me një fëmijë, kjo pasi këngëtarja është shtatzënë.
Lajmi është konfirmuar për “Prive” nga motra e Adelinës, Ema, e cila bashkë me Zanfinën por presin me padurim të bëhen teze. Pritet që foshnja të jetë i pari në familjen Ismaili.
Ky fëmijë vjen pas një periudhe veçanërisht të vështirë, pasi motrat Ismaili vetëm pak kohë më parë humbën nënën e tyre, Mona, e cila nuk përjetoi emocionet e të qenit gjyshe.
