Sot mbushen 21 vjet që nga 11 shtatori i vitit 2001, kur u kryen sulmet më të tmerrshme terroriste në Shtetet e Bashkuara të Amerikës.
Mbi 3 mijë njerëz humbën jetën kur rrëmbyesit përplasën katër aeroplanë mbi kullat binjake në Qendrën Botërore të Tregtisë në New York, mbi ndërtesën e Pentagonit në Washington dhe në një fushë në shtetin Pensilvania. Mes viktimave ishin 343 zjarrfikës dhe 60 policë, ndërsa pjesa më e madhe e të vdekurve ishin civil të 70 kombësive të ndryshme.
Më poshtë ju tregojmë kronologjinë e ngjarjeve të 11 Shtatorit, i konsideruar si sulmi më i madh terrorist në historinë e njerëzimit:
-Në orën 8:46 e mëngjesit, sipas orës lokale, një aeroplan i rrëmbyer u përplas mbi kullën veriore të Qendrës Botërore të Tregtisë në Nju Jork. Përplasja krijoi një çarje të thellë në faqen e ndërtesës dhe duke shkaktuar zjarr.
-17 minuta më vonë, në orën 9:03, një aeroplan pasagjerësh u përplas mbi kullën jugore, duke krijuar një tjetër vatër të madhe zjarri.
-Pas këtyre ngjarjeve Administrata Federale e Aviacionit urdhëroi mbylljen e të gjitha aeroporteve në Nju Jork dhe më vonë u mbyllën edhe urat dhe tunelet.
-Në orën 9:30 Presidenti Bush që ndodhej në Florida, njoftoi popullin amerikan se vendi ka përjetuar një sulm terrorist.
-Në orën 9:37 të mëngjesit, një aeroplan pasagjerësh përplaset mbi ndërtesën e Pentagonit, duke e mbuluar atë në flakë. Disa qindra vetë vriten ose plagosen.
-Në orën 10:05 të mëngjesit, rrëzohet kulla jugore e Qendrës Botërore të Tregtisë rrëzohet.
-Në orë 10:10 të mëngjesit, aeroplani i linjës United Airlines numër 93, rrëzohet në shtetin e Pensilvanisë.
