Vetëm një vit më parë, Elon Musk ishte një kampion i kriptomonedhave, deri në pikën e ndikimit vendimtar në çmimin e aksioneve të tyre me çdo deklaratë apo investim që bënte.
Vendimi i tij për të pranuar bitcoin si një metodë pagese për makinat Tesla u fol shumë gjerësisht.
Megjithatë, një vit më vonë, Tesla ka shitur 75 për qind të bitcoin-it të saj pas një rënie drastike të çmimit të tyre. Në vitin 2021, Musk e krahasoi kriptomonedhën me “diamantet”, por veprimet e tij të fundit sugjerojnë se mendimi i tij ka ndryshuar.
Në gjysmën e parë të vitit 2022, çmimi i monedhës virtuale ka rënë me më shumë se 50 për qind. Më 1 janar u këmbye me 47.738 dollarë dhe më 20 korrik u mbyll me 23.215 dollarë dhe tashmë është shumë larg çmimit maksimal që ishte mbi 65.000 dollarë.
Megjithatë, duket se eksperimenti i Teslës me bitcoin nuk ka rezultuar plotësisht i suksesshëm.
Investimi i tyre fillestar në vitin 2021, 1.5 miliardë dollarë, ka dhënë vetëm 936 milionë dollarë sipas të dhënave të siguruara nga BBC.
Musk e ka hedhur poshtë si një operacion “dytësor” brenda lëvizjeve financiare globale të Tesla-s, i cili mund të ndikojë negativisht në çmimin e kriptomonedhës.
Financat e Tesla-s janë rritur në tremujorin e dytë të vitit me 16.9 miliardë dollarë, që përfaqëson një rekord dhe shkon mbi pritshmëritë e investitorëve të kompanisë.
