Ben Affleck çuditërisht e vendosi datën e divorcit të tij nga Jennifer Garner saktësisht nëntë vite nga dita kur u martua me Jennifer Lopez në Las Vegas.
Ylli i “Deep Water” shkroi në një deklaratë më 16 korrik 2022, se ai dhe ish-gruaja e tij u divorcuan më 16 korrik 2013, raportoi Us Weekly të martën.
Megjithatë, Affleck, 49, dhe Garner, 50, nuk njoftuan se do të ndaheshin deri në qershor 2015 dhe nuk paraqitën kërkesë për divorc deri në prill 2017. Ata finalizuan divorcin e tyre në tetor 2018.
Ndërkohë, Lopez raportohet se ka shënuar datën e divorcit të saj nga ish-Marc Anthony si 1 korrik 2011, por ata nuk e finalizuan çështjen deri në qershor 2014.
Ylli i “Marry Me”, 52 vjeç ka dy fëmijë me Marc, pikërisht dy 14-vjeçarët Max dhe Emme, ndërsa Affleck ka me Garner tre fëmijët Violet, 16 vjec, Seraphina, 13 dhe Samuel 10.
Pavarësisht dasmës së shpejtë, të porsamartuarit, të cilët më parë ishin fejuar në fillim të viteve 2000, ende po planifikojnë një festë të madhe, ku dëshirojnë të festojnë me miqtë e tyre dhe familjarët.
“Ne ia dolëm. Dashuria është e bukur. Rezulton se dashuria është e durueshme. Njëzet vjet durim”, u konfirmoi Jennifer Lopez të gjithë fansave të saj përmes një buletini.
Sipas JLo, ajo dhe Affleck fluturuan në Las Vegas për të nënshkruar marrëveshjen në “Little White Chapel”.
JLo ndau disa foto të fustanit të saj të nusërisë dhe zbuloi entuziazmin e saj për bashkimin me jetën e Ben Affleck.
