Drake së fundmi ka marrë me një qira një super jaht që kushton 660,000 dollarë në javë, ndërsa po shijonte pushime së bashku me miqtë e tij.
Drake, 35 vjeç, ndau një foto në Instagram ku shihej i ulur në një cep të jahtit teksa në sfond shfaqej dielli teksa perëndonte pas tij.
Jahti që ai ka marrë me qira është një luks i vërtetë. Në të shihet një spa gjigante.
Brenda, një tavolinë e gjatë ngrënieje u pa e shtruar me qirinj dhe Drake gjithashtu ndau një video të mikut të tij më të mirë Chubbs duke kërcyer me një shok tjetër ndërsa të ftuarit shijonin koktejle.
Superjahti i kushtueshëm i quajtur “Oqeani Coral”, përfshin një sallë pritjeje me një spa, një sallë me një bar me shërbime të plota, dhe dhoma gjumi gjigante.
“Dhoma e gjumit kryesore ka gjithçka që dëshironi, duke përfshirë suitat me sauna, si dhe një zonë private pritjeje,” shkruhet në faqen e internetit që prezantohet ky super jaht.
Në bord janë 22 anëtarë të ekuipazhit, duke përfshirë terapistë bukurie që mund të bëjnë masazhe dhe manikyr, një kuzhinier privat që mund të gatuajë ushqime për deri në 30 të ftuar, disa stjuardesë dhe shefat, dhe sigurisht, një kapiten.
Ka gjithashtu tetë dhoma gjumi, një palestër, një dhomë me avull, një xhakuzi dhe produkte bukurie Dior dhe iKou.
