Një lajm i trishtë ka tronditur muzikën greke. Këngëtari i njohur Giorgos Mazonakis është ndarë nga jeta këtë të mërkurë, në moshën 54-vjeçare.
Sipas raportimeve të mediave greke, artisti pësoi arrest kardiak. Një ndihmës mjekësor i EKAB mbërriti menjëherë në vendngjarje dhe nisi reanimacionin kardiak, ndërsa pak minuta më vonë Mazonakis u transportua me ambulancë drejt Spitalit Elpis. Pavarësisht përpjekjeve për ta shpëtuar, mjekët konfirmuan vdekjen e tij.
Mazonakis ishte një prej emrave më të njohur të muzikës greke. I lindur në Nikaia në vitin 1972, ai e nisi karrierën profesionale në vitin 1992, vetëm 20 vjeç, duke u kthyer më pas në një prej artistëve më të dashur të brezit të tij.
Hitet “Savvato”, “Zilevo” dhe “To Gucci Forema” e bënë të njohur përtej Greqisë, ndërsa këngët e tij kanë qenë mjaft të dëgjuara edhe nga publiku shqiptar.
