Kalo te përmbajtja
ICONSTYLE
Celebrity

Dua Lipa pushton edhe botën e GTA 6! Kënga e saj “Go Easy” pjesë e albumit të videolojës më të shumëpritur të vitit

Burimi: IconStyle Përgjegjësia editoriale: IconStyle
Dua Lipa pushton edhe botën e GTA 6! Kënga e saj “Go Easy” pjesë e albumit të videolojës më të shumëpritur të vitit

Dua Lipa shton një tjetër projekt të madh ndërkombëtar në karrierën e saj! Këngëtarja shqiptare me famë botërore do të jetë pjesë e albumit muzikor të “Grand Theft Auto VI” (GTA 6), videolojës që prej vitesh ka mbajtur në pritje miliona fansa në mbarë botën.

Kënga e saj “Go Easy” është përfshirë në listën prej 34 këngësh të albumit “Grand Theft Auto VI: The Album”, që do të publikohet më 19 nëntor, njëkohësisht me lançimin e lojës.

Lexo edhe :

Lajmi u bë i njohur pasi në internet qarkulluan fotografi të versionit të albumit në vinil, duke zbuluar para kohe emrat e artistëve dhe titujt e këngëve. Lista është konfirmuar më pas për Billboard nga burime pranë projektit, ndonëse Rockstar Games nuk e kishte publikuar ende zyrtarisht të plotë.

Dua Lipa do të jetë në të njëjtin album me disa prej emrave më të mëdhenj të muzikës ndërkombëtare, përfshirë Lana Del Rey, Travis Scott, Cardi B, Playboi Carti, JENNIE, Zara Larsson dhe Camila Cabello.

Albumi është realizuar në bashkëpunim mes Rockstar Games dhe Atlantic Records, me këngë që synojnë të sjellin atmosferën e Vice City dhe Leonida, botës ku zhvillohet GTA 6.

Muzika ka qenë gjithmonë një pjesë e rëndësishme e identitetit të serisë “Grand Theft Auto”, e njohur për radiostacionet virtuale dhe përzgjedhjen e artistëve nga zhanre të ndryshme.

Për Dua Lipën, përfshirja në një projekt me një audiencë kaq të madhe përbën një tjetër mundësi për ta çuar muzikën e saj përtej skenave dhe platformave tradicionale.

Më 19 nëntor, kur GTA 6 të mbërrijë te publiku, mes emrave që do të shoqërojnë këtë lançim gjigant do të jetë edhe Dua Lipa.

Vazhdo leximin