Në prag të kësaj situatë alarmante të gripit të pulave dhe ngordhjes masive të tyre, ka reaguar edhe eksperti i ushqimit, Abdyl Sinani, i cili ka bërë një thirrje të pazakontë për të gjithë qytetarëve të mos e konsumojnë vezën, në mënyrë që të mos rrezikohen, edhe pse kontrolli duhet të ishte bërë në mënyrë të përpiktë.
“Virusi nuk përhapet vetëm nga pularitë, por nga shpendët që janë në ajër, ata e përhapin me shpejtësi të madhe. E kanë përhapur përmes ajrit, feçeve të tyre, dhe prandaj po infektohet i gjithë vendi.
Së bashku me AKU të gjithë pularitë që kanë një pjesë pulash që kanë ngordhur ku dhe një pjesë pulash janë therur dhe kanë kaluar në frigorifer. Duhet detyrimisht të futet në 4 gradë, se përndryshe nuk duhet të lejohen.
Vezët janë prodhuar, secili nga ju të çajë një vezë, dhe nëse lëngu i vezës është i ngjitur me të verdhën, pra nuk është i lëngshëm, atëherë kjo është në rregull kjo vezë, por në këtë situatë që jemi, me këtë sëmundje që është tani, asnjë vesh nuk do konsumohet. Në këtë rast duhet t’i lëmë vezët fare,” është shprehur ai.
I pyetur se çfarë duhet të bëjmë nëse kemi konsumuar vezë tanimë, Sinani tha se njeriu duhet ta mbulojë me imunitetin e tij.
“Njeriu me imunitetin e vet duhet ta mbulojë, prandaj ato që kemi ngrënë t’i ndalojmë, dhe të kini parasysh mishin nuk duhet ta prekni me dorë atë që del nga frigoriferët, ai nuk duhet të jetë me ngjyrë të hirtë, por ngjyrë të verdhë. Ai duhet të jetë i pangjitshëm. Merreni me doreza, e mos e bashkoni me ushqimet e tjera. Nëse e fusim prapë në frigorifer duhet rregulluar temperatura 4 gradë,”
Këto përgjigjje të ekspertit të ushqimeve, më shumë se këshilla janë vetëm mënyra për të përballuar pasojat e mungesës së përgjegjsisë dhe kontrollit të duhur që duhet të ishte bërë nga “AKU” për të na siguruar të gjithëve për ushqimet që konsumojmë. Sugjerimet e “ekspertëve” janë reflektimi dhe pasqyrimi i mungesës së neglizhencës që po rrezikon jetën e të gjithëve!
