Facebook ka rënë sërish për qindra përdorues vetëm disa muaj pas një ndërprerjeje masive. Përdoruesit e frustruar thonë se nuk mund të hyjnë në faqen e mediave sociale dhe po përballen me mesazhe se diçka nuk është në rregull.
Qindra ankesa janë bërë në 24 orët e fundit, sipas Doën Detector. Disa përdorues janë ankuar në Tëitter për problemet e dukshme.
“Uh, Facebook nuk funksionon më shpesh se sa është në rregull. Nuk kam kohë për të humbur”, shkroi një përdorues në Twitter.
“Facebook është në rënie. Tani jam i detyruar të bëj bëjë punë shtesë”, tha një tjetër.
Kjo vjen dy muaj pasi miliarda njerëz u bllokuan nga përdorimi i Facebook, Instagram dhe ËhatsApp për shtatë orë pas një defekti të madh. Ndërprerja në mbarë botën ishte ndërprerja më e keqe globale e faqes që nga viti 2008. Facebook ende nuk ka komentuar mbi këtë çështje. Po ashtu, për problemin e shfaqur ditën e sotme pritet ende të mësohet çfarë ka ndodhur.
Ndërkohë, kompania s’ka shumë që ndryshoi emrin e saj në “Meta”, duke parqaitur planet e saj për krijimin e metaverse-s, një tjetër realitet virtual. Me sa duket ndryshimet nuk paskan shkuar mirë dhe brenda një kohe të shkurtër Facebook ka shfaqur probleme për përdoruesit në mënyrë të papritur.
