Duket se ndjenjat nisën gjatë fluturimit të supermodeles Adriana Lima në udhëtimin për Lojërat Olimpike në Rio, muajin e kaluar.
Engjëlli i “Victoria’s Secret” ishte pjesë e mbulimit që rrjeti i kanaleve NBC i bëri lojërave verore dhe ajo nisi të dilte me moderatorit televiziv, Ryan Seacrest, i cili ndodhej gjithashtu atje për të punuar në të njëjtin rrjet.
Koha e tyre bashkë, duket se rezultoi në një romancë të re, raportoi E! të martën.
Seacrest dhe Lima janë vënë re duke shijuar një darkë romantike së bashku në Nju-Jork, duke dhënë lajmin se tani janë bashkë.
41-vjeçari Seacrest është moderatori i “American Idol” dhe një regjisor ekzekutiv i “Keeping Up With The Kardashians”, i cili ka një histori të gjatë të lidhjeve me femrat e bukura.
Ai ishte i lidhur për tre vite me Julianne Hough dhe gjithashtu për mbi një vit me këngëtaren meksikane, Paulina Rubio, modelen e “Sports Illustrated”, Dominique Piek dhe trajneren personale, Shayna Taylor.
35-vjeçarja Lima finalizoi divorcin me yllin serb të NBA-së, Marko Jariç, në mars të këtij viti. Ish-bashkëshortët kanë dy vajza.
Burimi: Daily Mail
