“Instagram” po bën “revolucion” në rrjetet sociale lidhur me ndryshimet e ndërmarra së fundmi. Ai i surprizoi përdoruesit e tij pas opsionit për zmadhimin e fotografie, ose shtimin e opsionit “Insta-stories”. Por ndryshimi më i fundit i ndërmarrë nga themeluesi Kevin Systrom, që u prezantua të hënën, është më i rëndësishmi në historinë e këtij aplikacioni.
Në rrjetin social, tashmë është implementuar një opsion që mundëson bllokimin e komenteve fyese dhe kërcënuese etj. Çdo përdorues i “Instagram” mund ta aktivizojë opsionin e ri në kategorinë “Comments” që gjendet tek “Settings”. Pasi aktivizohet opsioni, në hapësirën poshtë tij mund të shtohen fjalët që konsiderohen fyese dhe “Instagram” automatikisht do t’i bllokojë ato në momentin që dikush tenton t’i shkruajë në një koment.
Një gjë e tillë është bërë me qëllim që çdo përdorues të vijojë të shprehet lirshëm. Kjo mënyrë po ashtu çon në pakësimin e fenomenit të bulizmit në rrjetet sociale. Kompania e prezantoi fillimisht këtë opsion të ri për bizneset në korrik, duke i lejuar ata për të fshehur automatikisht ndonjë koment me fjalë dhe fraza fyese.
Ky ndryshim do të përqafohet më së shumti nga celebrities dhe personazhet e njohur, të cilët nuk do të pranojnë më ofendimet e rënda apo kërcënimet. Kompania vetë e përshkruan këtë si opsioni i parë i prezantuar për të ndihmuar njerëzit me “prejardhje të ndryshme, raca, gjini, orientime seksuale, aftësi dhe të tjera” që të ndjehen të sigurt. Opsioni është në dispozicion tani në iOS dhe Android.
Burimi: Glamour
