E vetmja lidhje për të cilën ajo është përfolur, është lidhja e saj me Ganiun dhe martesa e shkurtër me të. Por pas divorcit me Ganiun, Bleona Qereti ka pohuar për “Summer Pages” se do të jetë e pranishme në dasmën e ish-burrit të saj, me të cilin jetoi për 10 vite.
“Unë dua t’i uroj shumë fat, dhe në qoftë se ai do të kishte dikë tjetër nga Shqipëria, unë do t’i shkoja edhe në dasmë. Gjithsesi nuk dua që kjo histori kaq private e imja të kthehet në telenovelë”, është shprehur Bleona.
Po ashtu ajo pranon se prej pesë vitesh fle vetëm dhe është single.
“Po, unë kam pesë vjet që fle vetëm. Por nuk është kjo ajo që unë dua të përcjell. Dua t’ju tregoj realitetin njerëzve që nuk e kuptojnë dhe thonë “kjo ka bërë këtë e ka bërë atë”. Ndërkohë ata nuk e dinë se çfarë kam bërë unë dhe nuk ia kanë idenë se çfarë kam bërë unë për të arritur ku jam. Nuk po ankohem sepse është absolutisht zgjedhje e imja, por nuk kam arsye as edhe të gënjej”, nënvizon ajo.
Bleona pohon se për 20 vite është lodhur nga mediat dhe paragjykimet.
“Ka 20 vjet që flitet për mua, është folur për moralin tim kur unë isha ende e virgjër, është zbehur suksesi im duke thënë se këtë e ndihmon Gani. Këto më kanë lodhur ndaj dua që t’u prezantoj të gjithëve realitetin”, shprehet ajo.
