Për vite të tëra ajo është përfolur për lidhjen e saj me ish-bashkëshortin Gani Bardha, por duket se kur fjala është për Bleonën, shumë fakte mbeten për t’u verifikuar. “Prive” shkruan se Bleona dhe Ganiu kanë qenë ligjërisht të martuar… për vetëm dy muaj!
“Gjatë kësaj periudhe, Bleona ka jetuar në Dallas por aspak e kënaqur, është zhvendosur në Los Angeles duke mbajtur ndarjen pak a shumë sekret nga publiku mes tjerash për shkak të respektit të madh për njëri-tjetrin. Koha kur Ganiu vetëm se ishte shfaqur publikisht me të dashura të tjera, në 2014-tën paraqiti momentin kur publikisht u kuptua ndarja, që kishte ndodhur shumë më herët”, shkruan Prive.
Bleona e ka fituar nënshtetësinë amerikane në vitin 2011. Nëse ajo ka qenë vetëm për dy muaj e martuar me Ganiun, është e pamundur ta ketë fituar nënshtetësinë nga kjo martesë. Martesa me një shtetas amerikan duhet të zgjasë të paktën tre vjet dhe gjatë tyre ka kontrolle të shpeshta nga strukturat shtetërore.
Sot, Bleona i referohet me dashamirësi ish-bashkëshortit të saj dhe ruan marrëdhënie të mira edhe me kunatën, Vera Bardhën. Ndërkaq, Gani Bardha është prej kohësh në marrëdhënie me një grua tjetër.
