Beyonce bëri deklaratën e saj të dytë të fuqishme gjatë performancës në MTV Video Music Awards. Ajo mbretëroi në mënyrë supreme mbrëmjen e së dielës, veç faktit që fitoi tetë çmime.
34-vjeçarja e ngriti audiencën në këmbë brenda disa sekondash me një nga performancat më të fuqishme të të gjitha kohërave, jo vetëm për interpretimin fantastik, por edhe falë mesazheve të fuqishme politike që ajo dha përgjatë gjithë mbrëmjes.
Ndërsa performonte disa këngë nga albumi i saj i ri, “Lemonade”, mbretëresha e pop-it u rrethua nga kërcimtarë të veshura si engjëj.
Dritat e kuqe përmbytën skenën, kur secili nga “engjëjt” u qëllua gjatë performancës, që sipas shikuesve ishte një paraqitje e brutalitetit policor ndaj komunitetit me ngjyrë. Kjo ishte një nga momentet më mbresëlënës të saj në skenë gjatë interpretimit të “Pray you catch me”.
Ajo më pas e “ngrohi” pak situatën ndërsa u shfaq me truporen e zezë, që mbante veshur poshtë palltos dhe fustanit të bardhë.
Në kulmin e këngës, goditi me shkopin e bejsbollit një nga kamerat duke krisur lentën dhe duke e hedhur në tokë për një fund dramatik.
Më pas ajo u rrethua nga flakët, ndërsa thirri: “Nëse ju të gjithë keni ardhur për të vrarë, këndoni bashkë me mua”.
Beyonce u shpall artistja më e vlerësuar e ceremonive duke lënë pas Madonna-n Diva e muzikës mbajti një performancë mbresëlënëse për plot 16 minuta.
Beyonce u shfaq edhe krah nënave të katër prej djemve me ngjyrë të ekzekutuar muajt e fundit nga policia amerikane.
Beyonce është bërë një nga zërat më të fuqishëm të “Black Lives Matter”, organizata që lufton kundër racizmit dhe dhunës policore ndaj komunitetit me ngjyrë. Çmimin “Për Videon më të mirë të artisteve femra”, Beyonce ia dediko familjeve të New Orleans.
*Shfleto galerinë
Burimi: Daily Mail
