Kombëtarja shqiptare goditet nga COVID-19. Kapiteni i Kombëtares, Etrit Berisha ka rezultuar pozitiv në testet e Covid-19.
Portieri kuqezi u kthye në Itali pas dy ndeshjeve në Ligën e Kombeve me Shqipërinë, teksa qëndroi në karantinë të detyruar 10 ditore.
Pas testeve të djeshme, kur shpresohej se ai do t’i bashkohej Spal në Serie B, ka rezultuar me coronavirus.
Kështu, Berisha do duhet të qëndrojë edhe 14 ditë të tjera në karantinë dhe më pas mund t’i rikthehet aktivitetit normal.
Duket se te Kombëtarja kuqezi janë prekur disa lojtarë, ku theksojmë se Hysaj nuk luajti dot të dyja ndeshjet pasi u prek nga Covid-19 në grumbullimin me kuqezinjtë.
