Policia italiane ka arrestuar një 47-vjeçar shqiptar nga Genova pasi tentoi të mbyste me një tel ish-gruan e tij italiane. Sipas mediave italiane, ngjarja ka ndodhur në shtëpinë e 47-vjeçarit, si pasojë e xhelozisë së tepruar të shqiptarit.
Me arsyetimin që ajo të tërhiqte një dokument pune, shqiptari ftoi ish-gruan në shtëpinë e tij, dhe në momentin që ajo hyri në shtëpi mori një tel elektrik dhe u përpoq ta mbyste.
41-vjeçarja italiane ka shpëtuar për mrekulli, ndërsa në sekondat e fundit ka bindur burrin e saj, që të ndërpriste dhunën dhe ta dërgonte në spital. Teksa negocionte, ajo e bindi se në Polici do të depononte se ishte sulmuar nga një i panjohur.
