Autoritetet greke kanë vendosur që të mbyllin pikat e kalimit kufitar të Kakavijës dhe Kapshticës nga ora 22:00 deri në orën 06:00 duke filluar nga 6 gushti.
Kalimi do të jetë i lirë çdo ditë nga ora 06:00-22:00 ku do të lejohen të kalojnë kufirin vetëm shtetas grekë, shtetas shqiptarë e të huaj me leje qëndrimi greke dhe minoritarë me kartën përkatëse.
Duke filluar nga 16 gushti, çdo shtetas që do të hyjë në territorin grek përmes pikës kufitare të Kakavijës dhe Kapshticës do të karantinohet për 7 ditë.
Gjithashtu duke filluar nga 1 gushti deri më 15 gusht të gjitha fluturimet midis Greqisë dhe Shqipërisë do të kryhen vetëm në Aeroportin Ndërkombëtar të Athinës “Eleftherios Venizelos”, duke përjashtuar rrugët për në aeroportet e tjera.
Lejimi do të behët vetëm për 15 ditë, pasi vlerësimi i vendeve të BE për hapjen e kufijve me vendet e tjera bëhet çdo dy javë duke monitoruar situatën me pandeminë.
Nga dje 500 shtetas kanë hyrë në territorin e Shqipërisë dhe 400 kanë dalë deri tani përmes pikës Kufitare te Kakavijës. Gjithashtu kanë hyrë në Shqipëri përmes kësaj pike 300 automjeteve dhe kanë dalë 250 automjete prej orës 06:00 ku nisi sërish lëvizja dhe u hap kufijtë.
/Iconstyle.al
