Vittorio Sgarbi, kritik dhe politikan i njohur italian rrezikoi të mbytej në plazhin e Palasës, në jug të Shqipërisë, ku ndodhej pasditen e djeshme.
Videoja e tij teksa përplasej nga dallgët e mëdha të detit, u publikua sot në media. Fatmirësisht pranë tij ishte vajza Alba, e cila së bashku me një roje shpëtimi, nxorrën në kohë 68-vjeçarin.
Pas publikimit të pamjeve, Sgarbi ka reaguar personalisht për këtë eksperiencë për të cilën tha se ishte si një pagëzim në ujërat shqiptare.
Teksa gjendet në makinë përkrah kryetarit të bashkisë së Vlorës, Dritan Leli, Sgarbi shprehet:
“Momenti më i mirë ka qenë kur u zhyta në ato dallgë të mrekullueshme që për pak më morën me vete, por dola më i forta (nga deti). Asgjë e rëndë, vajza ime më ndihmoi të dal nga uji. Ishte si një pagëzim shqiptar”.
https://www.instagram.com/p/CBD1uksqqgx/
