Një tjetër incident gjatë festimeve në Kosovë! Dy ditë pas sulmit me kokteji me molotov në koncertin e Kidës, Mozzik-ut dhe Getinjos në Podujevë, tani shënjestër ishte festivali “BeerFest” në Prishtinë.
Gjatë mbrëmjes së djeshme, qytetarët që kishin dalë për të ndjekur natën e parë të festivalit të birrës u alarmuan nga disa të shtëna me armë.
Mediat vendase shkruajnë se, fillimisht njerëzit e pranishëm në natën e parë të festivalit, janë munduar të largohen që aty duke vrapuar ku të mundeshin për shkak të frikës. Mësohet se nga të shtënat me armë zjarri mund të ketë të plagosur, por ende nuk ka një konfirmim për këtë gjë.
Ende nuk ka të dyshuar konkretë dhe nuk dihet motivi i këtij sulmi, ndërkohë që policia po vazhdon hetimet për zbardhjen e plotë të ngjarjes.
Në videon e publikuara shikohen njerëzit që vrapojnë për t’i shpëtuar incidentit, ndërsa në tjetër dëgjohen të shtënat e armës, gjatë kohës që ka nisur festivali.
