Pasi firmosi për ndërtimin e një teatri të ri, regjisori Alitn Basha është shprehur se kauza për teatrin është kthyer në një kauzë politike tashmë.
Sipas tij, në kauzën për teatrin ndërhyri policia dhe tashmë kjo lëvizje po merr një krah partiak që nuk po ndjek qëllimin për të cilin është krijuar.
“Ndodhi sipas meje ndërhyrja e politikës dhe ne siç po shikojmë se po merr kah partiak lëvizja dhe jo qëllimi për të cilën është krijuar. Ne kemi qenë të gjithë të bashkuar për transparencë me projektin e ti që disa ishin për teatër të ri, po me këtë fasadë dhe disa të tjerë për një teatër komplet të ri… Ajo është thjesht një shtojcë e PD-së në ndryshim nga qëllimi fillestar që u krijua ku ishte thjesht anëtarë të shoqërisë civile, por tashmë shumica e anëtarëve janë anëtarë të Partisë Demokratike”, u shpreh ai për ABC News.
Regjisori theksoi se teatri duhet të plotësojë kërkesat si ato të artistëve po edhe ato të publikut, ndaj dhe zgjedhja që bëri do t’u shërbejë brezave që do të vijnë.
“Zgjedhja që kam bërë është një zgjidhje që do u shërbejë brezave që do të vinë… Shteti rritet, kërkesat rriten, ndryshon mënyra sesi bëhet teatër dhe kësaj duhet t’i përgjigjesh. Një teatër që nuk i shërben artistit, krijuesit, është një teatër që është një farë disonance.”
Sipas Bashës rikonstruktimi i ndërtesës ishte një gjë e pamundur, kjo pasi veç kushteve, ai teatër ashtu siç ishte nuk u ofronte kushte aktorëve.
“Kjo ishte një ide, rikonstruktimi në atë gjendje ishte e pamundur, e thonë ekspertët….E vetmja mënyrë ishte kjo. Nëse ndërtojmë një teatër që përsëri nuk na ofron kushte a do ia vlente e gjithë kjo?”
/abcnews.al/
