Godina e Teatrit Kombëtar të Tiranës u shemb në mënyrë të turpshme nga një operacion i beftë policor në orët e para të mëngjesit të 17 majit.
Sendet me vlerë të arkivave përfunduan në gjendje të mjerueshme.
Personat që shembën godinën nuk e vunë ujin në zjarr për objektet që ndodheshin brenda dhe ato u gjetën të hedhura në tokë si të ishin mbeturina.
Pasi të gjitha sendet me vlerë që duheshin ruajtur qëndruan si mbeturina në oborrin e teatrit “Turbina”, një kamion i ka marrë për t’i hedhur diku tjetër.
Megjithatë, duket se kamionin e kanë zënë mallkimet e qytetarëve dhe artistëve kundër shembjes së teatrit, pasi ai është përmbysur dhe një eskavator është përpjekur ta nxjerrë nga gropa.
Video e kamionit po bën sot xhiron e rrjetit, siç mund ta shihni më poshtë:
