Kryeministri Edi Rama në një komunikim online me qytetarët ka folur për situatën e vështirë në të cilën ndodhet vendi ynë këtë periudhë.
Ai tha se ditët në vazhdim do të jenë vendimtare, për të parë se si do të jetë ecuria.
Ai tha se në 11 maj do të vendoset për hapjen e disa bizneseve të tjera, që gjatë kësaj kohe ka qenë të mbullur për shkak të pandemisë.
Rama gjithashtu ka komentuar planin e ish-ministrit Ilir Beqja për uljen e pagave dhe pensioneve.
Kryeministri tha se nuk do të ketë asnjë ulje pagash nëse ato do të preken do jetë vetëm për rritje.
“Për të gjithë ata që më shajnë dua t’u them, a i shikoni vendet e tjera se çfarë bëjnë? Duhet të ruajmë qetësinë dhe duke përfituar nga fakti se jemi tërësisht të suksesshëm, por duke patur parasysh që kjo mund të përmbyset nëse hapemi menjeherë, me këtë dua të them se në javën në vijim do të bëjmë një analizë të thellë me ekspertët dhe do të diskutojmë hapjen e koridoreve ajrore dhe tokësore ku në 11 maj mund të kemi një vendim. Është një korridor i ngushtë ajror, nuk janë hapur të gjtha. Mbetemi në prooces për të lehtësuar disa biznese specifike sic janë berberët, parukierët, dentistët që janë më të rrezikuarit për transmetimin e infeksionit. Më pas do të vijojmë me qendrat tregtare ndërkohë që baret dhe restorantët më pas.
Nuk ka ulje pensionesh dhe nuk ka ulje rrogash. Nëse dikush jep një mendim kjo nuk do të thotë se do të merret parasysh apo qëndrimit zyrtar për këtë cështje nuk ka patur dhe nuk do të ketë prekje të pagave. Pagat do të preken vetëm për tu rritur dhe asnjëherë për ti ulur”, deklaroi Rama.
