Janë konfirmuar 14 raste pozitive me koronavirus në 24 orët e fundit në Shqipëri, prej të cilëve një është personel shëndetësor në Shkodër.
Deri më tani janë testuar 5542 raste të dyshuara, prej të cilave 562 raste ose 10 për qind e të testuarve, janë pozitivë.
Shifrat tregojnë për një numër të mjaftueshëm testimesh për të vlerësuar sëmundjen, sipas ISHP.
Deri më tani, numri i të shëruarve është 314, ndërsa mbeten 222 persona të infektuar aktivë. Siç duket, numri i të shëruarve është më i lartë, një tendencë kjo që vijon pa luhatje prej një jave.
Nga rastet e reja 7 i përkasin Krujës, 5 raste në Tiranë, 2 raste në Shkodër.
Deri sot, 26 qytetarë e kanë humbur betejën me këtë semundje megjithë përpjekjet e stafit mjekësor.
Harta e të prekurve nga COVID-19 zgjerohet në Tiranë, Shkodër dhe Krujë.
Shpërndarja gjeografike e rasteve pozitive, është si vijon:
– Tiranë 251 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 96 raste
– Lezhë 14 raste
– Berat 2 raste
– Has 13 raste
– Krujë 18 raste
-Tropojë 4 raste
– Pukë 5 raste
– Mirditë 3 raste
– Kukës 11 rast
-Mallakastër 1 raste
– Kurbin 7 raste
/Iconstyle.al
