Postimi i një fotoje me Bebe Rexhën, i ka hapur “telashe” aktorit shqiptar Blerim Destani. Lajmi se Blerimi mund të ketë nisur një histori dashurie me këngëtaren shqiptare me famë botërore, filloi të qarkullonte pothuajse në të gjitha mediat dhe portalet.
Shkak u bë pikërisht një foto e aktorit dhe e këngëtares në Instagram, statusin e së cilës Blerimi e kishte zgjedhur me qëllim nga teksti i këngës “No broken hearts” të Bebe Rexhës.
Pas thashethemeve nëpër media, Blerimi vendosi më në fund që të reagojë dhe të thotë të vërtetën. Në një prononcim për Prive, vetë aktori i ka mohuar spekulimet për një histori dashurie me këngëtaren.
“Thjeshtë shoqe” – mësohet të kenë thënë aktori duke theksuar se vijon të jetë beqar, edhe pse prej një kohe të gjatë, asgjë nuk është mësuar për ndonjë lidhje të mundshme të tij.
