Kryeministri Edi Rama ka njoftuar sot në një dalje publike se do të ketë masa të reja në lidhje me shqiptarët që duan të kthehen nga jashtë.
Ai u shpreh se nuk do të lejohet kthimi i atyre personave që janë rezidentë në vende të tjera, por vetëm i atyre personave që vijnë për një urgjencë ose kanë një dokumentacion me një arsye tjetër.
Për këta shtetas që nuk janë rezidentë, do të operohet me një rregull të ri: karantinimi i tyre në hotel për 14 ditë me shpenzimet e veta.
Fjala e kryeministrit:
“Në kufirin e Kakavijës nuk ka asnjë problem tani që flasim, s’ka asnjë person që do të hyjë. Në Kapshticë janë 19 makina të personave që janë banorë rezidentë në Greqi. Nuk kanë asnjë urgjencë të posaçme por kërkojnë të hyjnë për të takuar familjet. Kufinjtë janë të mbyllur për të mbrojtur jetën e atyre që janë matanë kufirit, dhe pas tij.
Brenda 24 orëve të ardhshme do të hyjmë në një process të ndërmjetëm dhe kush do të vijë në kufi tokësor me dokumente rezidente në vende të tjera, nuk do të lejohet të hyjë.
Kush do të vijë në kufi me pretendime të një natyre tjetër do të karantinohet për 14 ditë në struktura hotelerie me shpenzimet e veta.
Ardhja në Shqipëri sot nga shqiptarët rezidentë të vendeve të tjera është e papranusheme, papërgjeshmëri ndaj vetes dhe familjes së atyre që marrin rrugën”.
/Iconstyle.al
